من طيب حظك طحتي بأيد رجال 

لا شاف عيب انسان غمض عيونه

رجال ماغنى على كل موال

لوخيبت سود الليالي ظنونه

الله عطاه من الخصال أجمل خصال

يبطون فيك الناس مايلحقونه

مايلتفت للشك والقيل والقال 

دون الكلام الشين سكر أذونه

رجال لكن عن ثمانين رجال

يضحك وتضحك عالخلايق جنونه

اليا وقف لك وقفته وقفت جبال

واليا قعد شال السما في متونه

واليا تعزوا معرب العم والخال

سالت على روس القبايل مزونه

يابنت ياللي كل مافيك يختال

شوفي مواريه وشوفي طعونه

عزت عليه الحال مايشكي الحال

بكى سواد الليل واضحك سنونه

العام كان بحال واليوم في حال

روس تقوم وروس تطيح دونه

وتأكدي ماكل رجال لاقال

غاب أو حضر بالكايده يذكرونه

غاليك شمس وباقي العالم ظلال

لو غاب لحظه كلهم يذكرونه

ناس رفعها للسما وصارت ابطال

وصاروا على كل اتجاه يجونه

مالوا ولكن الزمن فيه مامال

يعني بصريح القول ناس يبونه

لو خانته نفسه على كسر الانذال

وقت الشدايد عزته ماتخونه

ماعنده أي اشكال لو بعض الاشكال

تاكل معاه وبالظهر يطعنونه

لان الجبال جبال في وجه الاهوال

والحر يبقى حر.. لو يسجنونه

روحي ولو ليل الشقا بناظرك طال

تأكدي انك وحيده بدونه

وياعين عزي دمعك الخير بقبال

وش خانت الرجال تبكي عيونه

حمود جلوي

فزاع - حمود جلوي

اشعاار حمود جلوي

لأحلامي البارحه سولفت عن جرحي

عن عمري الغالي اللي ضاع بأسبابك

كن بغيابك غلاك أنهى على فرحي

الله يلعن غلاك ...// ويلعن غيابك

__ _ _ _

ياكثرهم قبلك أحبابي وخلاني

أعطيتهم دم قلبي بس خانوني

مشكلتي اللي بقلبي دوم بلساني

مقدر أشوف الخطأ وأسكر عيوني

_ _ _ _

ماعلموك شكثر بعدك يضايقني ؟

ماعلموك الجفا وإن طال ماأخونك ؟

كني أشوف الغلا للموت سايقني

وش حاجتي بالعمر لا عشت من دونك

_ _ _ _ _

إفرض إني جيت لك محتاج وعيوني تبيك

وإمنعتني لا أبين حاجتي لك عزتي

يعني المفروض تفهم مقصدي من قبل أجيك !

انتظرني كل ماطولت هذي حزتي

_ _ _ _

ابيك جنبي كل ما ضاق صدري

وأبيك فرحي لاقست سود الأيام

وقل للي مايدري وخليه يدري

إنك بعيني تسهر الليل وتنام

_ _ _ _

عيبك إنك كل منهو يجرحك تقول خير

راجع أيامك وحاول تفتكر منهو خسرت

مستحيل الحب الأول يشبه الحب الأخير

يبقى للأول مكانه غبت عنه أو حضرت

_ _ _ _

من تجربة حبك وصلت لقناعه

إذا بغيت إنسان يغليك .. خونه

يشتاق لك أربع وعشرين ساعه

دامك تخونه شرط تاخذ عيونه

_ _ _

من عقبها ماعاد لي خلق للناس

من يوم راحت راح قلبي معاها

فيني غلاهاشوصفه؟ ماله قياس

أقسم قسم إنه ذبحني غلاها

لو كان في وجه الزمن ذرة إحساس

ماكان لحظه عن عيوني خذاها

_ _ _

خل الجروح اللي بقلبك لقلبك

عندي من جروح الزمن ماكفاني

ولا تنشغل فيني وخلك بدربك

رب" عطاك من الصبر مانساني

_ _ _ _

ماجيت لك عاني عشان أتعداك

ولا تعديتك ... وأنا جيت عاني

ثمنت وصلك يوم جربت فرقاك

مره خسرتك مابي أخسرك ثاني

_ _ _ _

الجرح يكبر بقلبي وانت ماتدري 

والنوم يسهر بعيني يابعد عيني

حاولت أشيل الغياب وطحت من كبري

حاولت أغيب ولقيتك حاضر" فيني

_ _ _ _ _

تدري إني قبل أعرفك كنت محتاجك وأبيك

كنت أدور في وجيه الناس عنك واستحيتك

وينك إنت جابك الله من زمان أسأل عليك

وراسك الغالي لقيت عيوني أول مالقيتك

_ _ _ _ _

يللي وصالك موت ومفارقك موت 

قلي شسوي فيك لاصرت غالي

تعبت انادي واردف الصوت بالصوت

كني مع حالي اسولف لحالي

_ _ _ _ _

مع السلامه حبيبي والعذر منك

كل شي أشوفه على فرقاك يجبرني 

صور الشاعر حمود جلوي

نور

ياطاري الغالين اذا مرتك نور

سولف لها عن حبها عن غلاهــا

عن واحد مسك عشاشيقه الدور

في قلب ماينبض لشخص سواهــا

الجهراء

حزينه ليه يالجهرا علامك يابعد عمري؟؟

علامه جوك الليله كئيب ومظلم بعيني ..؟

أنا جيتك وأنا مثلك حزين وضايق صدري

أبشكي عن همومي وابي صدرك يواسيني ..

إلا مني زعلت وضقت أنا والله من عذري

ترى ماجيت لك ألا وانا ادري ماتخذليني ..

"غليتك من غلا منهو سكن بك" والغلا يسري

مثل ماجيت لك ساري غلاهم ساري فيني ..

ألا يالجهرا قولي وينه اللي شاغل فكري؟؟

هذاك اللي على شانه غديتي كل عناويني ..

هذاك الحب من قبله على بالي ولا يطري

ومن عقبه ملكني بالغرام ودمر سنيني ..

تركني وماعرف من عقبه شاللي غدا يجري!!

أحس اني فقدته أو عطيته شخص بإيديني ..

ترك لي يوم فرقاه رساله قبل لايسري

قبل هاليوم بأسبوعين يومنه يلاقيني ..

وضحك لي يافديت الضحكه اللي نورت عمري

ووعدني مايخليني وقال إنه يب يجيني ..

وراح وتتبعه عيني ألا مقواك ياصبري

عسى ماهي بدايات النهاية بينه وبيني ..

ألا يايوم هالجمعه إبد ماانت على خبري

كئيب "وشوفة الجهرا أبد ماعاد تغريني" ..

أحس بعبرة تملا عيوني ودها تجري

على خدي وأحس الكون ضايق مايكفيني ..

تصافق بي هواجيسي أبيع بحسرتي وأشري

غديت أدور بالجهرا ولا أدري أنا ويني ..

سرحت وراحت أفكاري تشتتني وأنا مدري

صحيت ولا وعيت إلا وصوت به يعزيني ..

ترى بدري على علوم السعادة والفرح بدري

مدامه غايب عني أبد ماشي يغنيني ..

أمانة ليه يالجهرا حزينة يابعد عمري

وأذا حزنك على الغالي طلبتك لاتخليني

الله يذكر ذيك الأيام بالخير 

أيام ماكنت بعيونك لحالي 

أيام ماصارت ولا مثلها يصير

عيت تفارق في غيابك خيالي 

أيام كانت في تواصيفها غير

يوم ( ..... ) جاب راس الشمالي

تاخذني الذكرى على الدرب وأسير

وأحن لأيام الغرام الخوالي

واراجع الماضي وذيك المشاوير

وأحسك من الشوق واقف قبالي

يا أغلى العمر مال الخطايا معاذير

مابي بدالك لو تدور بدالي 

وإن جاء مكانك غيرك بيوم ( يا طير )

ماكل غالي يسكن الروح غالي

أو جاك مني يالغلا بيوم تقصير 

بيض الليالي غير سود الليالي 

بعض الخطا يحتاج مني لتبرير

 

لو العذر فيني من الذنب خالي

غاليك ضايق للسماء وده يطير 

ضاقت عليه الأرض والموج عالي

دارت به الدنيا ولا عاده بخير 

غاليك ضايق يابعد كل غالي

تدري وش اللي دمر القلب تدمير 

إنك لغيري صرت وأنت حلالي

غاده

دايم تسولف لي عن الضيق غاده 

وغاده بعيني بنت اكبر من الضيق 

متفرده ماهي بحاجه اشاده 

متمكنه بالروح قبل المعاليق

غاده سياده فوق كل السياده

اليا حضرت تلغي جميع المخاليق

يابنت ابوها ماطلبتك زياده

ماغير ابي كل يوم بوسه على الريق

انثنى وجه الغروب

انثنى وجه الغروب ولوّح الليل الأخير

وارقدت كل العيون ولابقا غيري أنا

أسهر الظلما غريبٍ ساكن بوجه الضرير

أسكنت سود الليالي وجهي أضناه العنا

غادي بلا راي أمشي لارفيق ولامصير

أتعب الليل انتظاري وانكسر خط الهنا

علميهم ياعيوني كيف تحريق الضمير

لابكيتي مالقيتي صاحبٍ يمك دنا

صارت الدنيا أسيرٍ في أسيرٍ في أسير

كم تمنى وضاع عمره بالتمني والمنى

علميهم لانكسر رجال شامخ وش يصير

ينتهي من هالوجود وينهدم كل مابنا

علميهم لوسهرتي وانحنى الجفن الكسير

من هو غير الله يعين ومن هو غيرالله لنا

علميهم والبنفسج لا احتضر مات العبير

يقفي الشوق ويوّلي في همومه وانثنى

علميهم ياعيوني مابقى حظٍ كبير

دامني ساهر وعيّا يظهر لصبحي سنا

عايش بغربة كياني فاقد الشي الكثير

مثل ذاك اللي غريبٍ لاخوي ولاضنا

ويش أسوي ياعيوني ياجفا الليل الأخير

مابقى غير الاماني والشقا وانتي وأنا

مشرق الجرح

ألا يا مغرب الحرف وبقايا شعري وقافي

ألا يا منتهي الحلم اليتيم المحبط المسكور 

تعبت أغرق شفا وأدري تكسر فيك مجدافي

وأنازع رغبتي يمك وألاقي من وراك بحور 

حملت من الغدر بعضه وشالت منه اكتافي

ورميت من الغدر بعضه أنادي والصدى مهجور 

تبسم لي بعض ذيك الوجيه وهمها خافي

وتبكي لي وجيه كاذبة فيها الحزن مأجور 

الا يا مشرق الجرح الجديد وهمي الصافي

ألا يا كل من كلي عطيت ولا بديت قصور 

تحملت الكثير ولا بقى فيني صبر .. كافي

خلاص من الهوى بقطع وريد الخافق المجبور 

أبكسر رغبتي يمك واحطم نشوة أطيافي

أبنفي كل درب لك يوديني وأنا مسرور 

أبهجر ما بقى منك غرورك همك الضافي

وأحول للجفا طبعي صريح ولا أحب الزور 

ترى لو كنت ما تدري وعن أسباب الخطا غافي

وضاعت نفسك بنفسك بلا راي سديد وشور 

لقيت أوصاف في طبعك حشا ما تشبه أوصافي

لقيتك تضحك الهذا وهذا وعالوجيه تدور 

لقيتك قلب مع نفسه أبد ماكان متصافي

تخون أطباعه أطباعه بكل عز وفخر وغرور 

وإذا قلبك وهو قلبك أبد ماكان لك وافي

أجل لا تنتظر مني أصونك وأصدقك بشعور

جرح وعماس

ليل طويل وجرح وهموم وعماس

وضيقة صدر مدري وشاللي وراها

يالله تصبرني على ضيق الانفاس

جرالمفارق والهموم وعناها

من عقبها ماعاد لى خلق للناس

من يوم راحت راح قلبي معاها

فيني غلاها شأوصفه؟ ماله قياس

اقسم قسم انه ذبحني غلاها

لو كان في وجه الجفا ذرة احساس

ماكان لحظه عن عيوني خذاها

وقف مابين وصالها وبيني الياس

رب(ن) عطاني حبها ما عطاها

شفت القهر يذبحني وقلت لا باس

ساعة خفوقي باعني واشتراها

ياكثر ما صادفت بالناس اجناس

من اروع ماكتب الشاعر حمود جلوي

ليل طويل وجرح وهموم وعماس

وضيقة صدر مدري وشاللي وراها

يالله تصبرني على ضيق الانفاس

جرالمفارق والهموم وعناها

من عقبها ماعاد لى خلق للناس

من يوم راحت راح قلبي معاها

فيني غلاها شأوصفه؟ ماله قياس

اقسم قسم انه ذبحني غلاها

لو كان في وجه الجفا ذرة احساس

ماكان لحظه عن عيوني خذاها

وقف مابين وصالها وبيني الياس

الناس للناس

عمر الزعل ماقرب الناس للناس

مابالزعل لوصال الأحباب ديمة

دنياك حلوة عيشها بأجمل إحساس

وقل ياعسى هالحب ربي يديمه

ياللي سرقت إحساس قلبي بلا قياس

بعض القلوب من المشاعر عديمه

وبعض القلوب إحساسها مثل الألماس

ثابت يشابه في جديده قديمه

البارحة طاريك مافارق الراس

نديمك التفكير وانت نديمه

البارحه كانت هواجيس و عماس

كن الزمن ضيق علينا سديمه

كنه ينادي للعمر بآخر أنفاس 

إن الليالي بالشقا مستديمه

خلها على المعبود والناس للناس

وإنت وأنا كل قديمه نديمه

يوم ميلادي

العام معك احتفل في يوم ميلادي

واليوم ماغير أنا والليل وشموعي

وين إنت ؟ هالليل عقبك بعثر رقادي

ماكن للضيق راحة غير بضلوعي

وين أنت ؟ محتاج لك هالشوق مو عادي

من عقب ريش النعام وسادتي كوعي 

ياحادي العيس مال العيس من حادي

عقبك ولا عادت طبوعي هي طبوعي

ولا عادت أعيادي اللي تذكر أعيادي

من يومها والحزن واحد من ربوعي

أنا فقدتك ....// وكني فاقد بلادي

الله يرحم دموعك إرحم دموعي

حاولت ألم البخت مير البخت غادي

وشلون ألمه وبعدك بعثر جموعي

ياحزني البارحه // في يوم ميلادي

شفني بكيت وطفيت الشمع بدموعي

( الليل عطري )

الليل عطري وإنتي أنفاسك أطياب

وللشعر في بعض المخاليق هيبه

وأنا يهابوني وراسك ولا آهاب

و أن جبت شي" صعب غيري يجيبه

شاعرك ماهو بأي شاعر وينعاب 

شاعرك لاأطروه قالوا : مصيبه

ومادامك إلهامه سرى ليل الإعجاب

دام الشعر طاريك منهو يعيبه

حبيبتي لا يابعد كل الأحباب

من لي عقب عينك وقلبك حبيبه

ليه الشعر لا شفتك بداخلي ذاب

ليه الغلا يستعبد الروح طيبه

ليه المشاعر طارت لعينك أسراب

ياللي خذيتي كل عمري غصيبة

فيني حضور ولا بقى فيني غياب

ضاع العمر بين الليالي نهيبه

واليوم جيتك يابعد كل من غاب

وفيني كلام" بان بالراس شيبه

خايف أقوله ثم تقولين كذاب

لكن وراسك أدري الكذب خيبه

إني أحبك حب ماحبه أحباب

وعمري بدونك يالغلا و يش أبي به

يكفيني إني ساكنك قلب وأهداب

ويكفيك قلبي يوم صرتي نصيبه

مسألة وقت

عادي تقبلها إذا قلت ما أبيك

بالذات أحس إني معك ماتوفقت

مليت في رحلة عذابي أناديك

ماغير أنا وهموم قلبي ترافقت

جيتك وأنا اللي حالف يوم ما أجيك

وشلون جيتك مدري شلون وافقت

كنت بحياتي شي مدري شأسميك

من زود حبك لا وصفتك توهقت

كنت أتحدى الوقت من شان ألاقيك 

لأجل أوصلك أنا وقلبي تسابقت

ماشفتني وشلون أجيبك وأوديك

داخل حياتي لين فيني تعمقت

والله أحس من كثر ماسأل وأحاتيك

إني على حبك لنفسك تفوقت

كنت بحزن قلبي أجيلك وأواسيك

وإلا إنت غربت بحياتي وشرقت

خليتني لاني لهذي ولا ذيك

وحسيت من كل الجوانب تطوقت

ياللي خذيت من الغلا قلب مغليك

حلم بحياتي كنت وادري تحققت

واليوم أبلغي ذكرياتك وبلغيك

ولا عاد يوم في غرامك تعلقت

ابكثر ماكنت أعشقك موت وأغليك

وابكثر مالشوفك تمنيت واشتقت

ابكثر ماني كاره اليوم طاريك

حتى اسمك إن جابوه عندي تضايقت

وكانه على النسيان ناسيك .. ناسيك

صبرك علي المسألة مسألة وقت

( غلا وإعجاب )

ياربي البارحة طار القصيد أسراب

لعيون من هي تنام ومسهرة عيني

يارب مدري ولع ؟ وإلا غلا وإعجاب ؟

وإلا الأمل صوته البارح يناديني

كل مانغفل باب يرجع ينفتح لي باب _!

وكل ماأخلي هجوسي ما تخليني

يا فاتنة طالبك كان الهوا غلاب ؟

عالضيق فدوة عيونك لا تحديني

ماني بناقص جروح وبهذله وأتعاب

عندي من هموم وقتي ما يكفيني

الحب لا جا من الله مايجي بأسباب

وإن كان همت بغرامك لاتلوميني 

وأنا وصلتك وأنا كلي شموخ أحباب

أبيك/ /... لكن / أخاف إنك ترديني

إما محبه وغلا - - وإلا نظل أصحاب

وإن ما حصل لي/ كلامي بينك و بيني 

قولي قصيدة ارتكبها ( حمود ) ذنب وتاب

وإلا اجحديني/وقولي : ماتعرفيني

وإليا عجبتك خذيني للعيون أهداب

ووديني إلوووووين ما ودك توديني ...

_ استراحة محارب

من واقع الخبرة وكثر التجارب

ومساير الدنيا على كل مضمار

وإن العمر رحله والإنسان غارب

تسري به أبحار " وترسي به أبحار

وإن التفكر استراحة محارب

وإن الحياة أسرار تسكن بها اسرار

لقيت كل من عنا الوقت شارب 

كل يعاني ضيقها إكبار وإصغار

الناس فوق الناس والوضع خارب

ماعاد لك يالطيب حشمه ومقدار

كل على لقمة عياله يحارب

هذا يبي جنه وهذا يبي نار

ولقيت ناس في بعضها تضارب

ما تلتفت للعيب لو صار ماصار

تلعب على أربع جهات المآرب

في كل نعش" دقت ألفين مسمار

ولقيت حرمه كل أبوها عذارب

أحبابها قلة وعدوانها اكثار _ _ 

ماردها مارب ولاسد مارب

يغنيها عن كل المشاوير مشوار

حرمه ولكن عن ثمانين شارب

تصغر لها كبارن وتكبر بها صغار

يشرق لها التاريخ لو كان غارب

ماهمها أحمد و ناصر ونصار

ولقيت في بعض الأقارب عقارب 

ماعندها لأدنى المعايير معيار

ترقص على مليون قارب و قارب

في هندسة ذبح المواجيب شطار

ولقيت رجل كل مافيه ضارب

يعزف تقاسيم الحضارة على الطار

رجل على كل التقاليد ضارب

في حجة إن عاداتنا صارت غبار

يشوف في حلق الشوارب تقارب

بين الأمم رهبان وشيوخ وأحبار 

والمشكله ماهي بحلق الشوارب

المشكلة بعض الشوارب غدت عار

يا عنتر الشداد وشفيك هارب 

تعال ناظر تالي الوقت وش صار

ماعاد فينا قلب للموت طارب

ولا عاد به أبجر ولا فيه فقار

صرنا لخلق الله حقول وتجارب

وصارت لحايانا مصالح وتجار

خلنا انتبهذل المهم مانحارب

واطلق شنب نشري سكوته بدينار

ودامه زعيم النصر ماكل وشارب

ما أظن ترجع غزه أو يهدم جدار

خلاصة الموضوع ياعيال عارب

لا سيفكم يذبح ولا حولكم ثار

خلكم مع ليل الطرب والمشارب

لأنكم في هالطريقين شطار

( وين اروح ) ؟

ضايق وكل ضيقة ولا ضيقة الشوق

يا رب مدري وين أروح وشسوي

فيني شقا ما مر في بال مخلوق

وفيني ألم ما كنه إلا عدوي

يارب أحس إني من الهم مخنوق

جو الشقا والضيق ما هو بجوي

متعود أضحك وأترك الخاطر يروق

وأشعل على جال التفاريح ضوي

وإن طحت أبد ماطيح إلا وأنا فوق

خابر مصيري مرتبط في علوي

لكن ذيك البارحة كانت بروق

ورعودها في وسط روحي تدوي

تسوق لي مزن التهاليك والعوق

وأقول أنا يا قلب ما شبت توي

من ضيقتي لا رحت وإن جيت مطفوق

خايف جنوني تنسلخ من هدوي

وأسوي شي" ماطرا ببال مخلوق

مجنون والمجنون كل شي يسوي

( عطر المسا )

عطر المسا طاغي والأشواق وجله

وأفكار أحاسيس القصايد جدايد

تاخذني الكلمه عن الناس وأدله

وأحسني منك عن الناس زايد

وتصير لي كل الصعيبات سهله

لعيونك اللي تستفز الفرايد

البارحة قلب المولع نهج له

في داخلي درب عن الغير نايد

قصيدة فيها من الزين وهله

 

( عطر المسا )

عطر المسا طاغي والأشواق وجله

وأفكار أحاسيس القصايد جدايد

تاخذني الكلمه عن الناس وأدله

وأحسني منك عن الناس زايد

وتصير لي كل الصعيبات سهله

لعيونك اللي تستفز الفرايد

البارحة قلب المولع نهج له

في داخلي درب عن الغير نايد

قصيدة فيها من الزين وهله

لبستها من شوق روحي قلايد

وإنتي حبيبة قلبي شفيك خجله 

وإنتي معي كنتي للإحساس قايد

كنتي عيون الليل والشوق وأهله

كنتي قصايد تنكتب في قصايد

كنتي عيون تسرق الريم كحله

ما صادها من شرد الريح صايد

كنتي معي رحله ولا كل رحله

فيها وصلت لكل صعب وكايد 

الزين ياأهل الزين خلوه لأهله

( حبيبتي) زين على الزين سايد

من قبلها وعيون الأشواق كهله

ولأحزان الأيام (بخفوقي) عوايد

ويزيد في مكر المخاليق جهله

دايم مع الغالين يوقف محايد

واليوم جاك وعاف كل من ندهله

لعيونك اللي تستفز الفرايد 

إنتي قصيدة تشعل الليل حفله

كل ما خفت ضو المواجع تزايد

كتبتها وجتني بالأشواق عجله

وأنا أدري ماكل القصايد قصايد

( في غيبتي )

بين السنين وبين عين الشقا دين

لوني دريت بحالته ما درابي

ضايق وأدور في عيون البشر عين

تفهم معاناتي وتقرا كتابي

في طيحتي كثرت علي السكاكين

باع الزمن في طيحتي وأشترابي

عيت تجي وياي بالعسر واللين

المسألة فاقت تصور حسابي

ياصاحبي مال المفارق عناوين

هذا عذابي كان همك عذابي

في غيبتي نامت عيون المساكين

مدري سريت الجرح وإلا سرابي

في غيبتي قلبت جميع الموازين

حتى ثيابي كنها مو ثيابي

في غيبتي راحت عيونك علي وين

ياللي خذيت من الغلا كل مابي

ماأنت هذاك اللي أعرفه من سنين

إبذمتك منهو عرفت بغيابي ؟

( نص جديد كتبته )

بسمعك نص جديد كتبته 

نص يدور بخاطري فيك من عام

والبارحه يوم أستوى الكيف جبته 

لعيونك اللي تسهر الناس وتنام 

البارحة طيفك من ايده سحبته

ورحت اتمشى فيه يم ذيك الأيام 

أيام ماعمري من ايدك شربته 

أيام راحت مثلها مثل الاحلام 

كان الغلا يزهر بك أحساس نبته

كانت سواليفك سهر ليل وانغام

كنت العمر بعيون منهو عجبته

كل مامشى قدام يلقاك قدام

مثل العطر في روح روحي سكبته

للحين احسه داخل أنفاسي أنسام

كان القصيد يجود كل ماطلبته

وشلون يبخل وانت لحروفه إلهام ؟

كل شي غيرك من حياتي شطبته

ماكنت اشوف إلا انت في كل الانام

ياللي بغيابك كل فرحي حطبته 

وشبيته بجرح الليالي والأوهام

ماقلت لي اي ذنب فيك ارتكبته ؟

حتى تخليني للأشواق منضام

إلا فراقك صاحبي ماحسبته

كان الفراق أشبه بتحطم الأحلام 

ماكان دورك بس أشوفك لعبته

ومن بعدها لا طاب حظي ولا قام

راح العمر وياك واللي قضبته

باقي جروح وزحمة هموم وآلام

قصيدة ( السؤال )

ماجيت لك عاني عشان اتعداك - ولا تعديتك ولاجيت عاني

ثمنت وصلك يوم جربت فرقاك - مرة خسرتك مابي اخسرك ثاني

لا والذي خلاني بيوم اهواك - ماغاب زولك عن عيوني ثواني

هذا انت لاجيت ابلقاك القاك - اقصاك لو تبعد سكنت المحاني

عودت قلبي دايم ان يتبع رضاك - مذكر طلبته فيك شي وعصاني

ماشفتني يوم اكتبك واتهجاك - ماشفتني وشلون اجيب المعاني

شلون اعيش العمر بعيون ذكراك - لحظة بلحظة بين شوق واماني

ماشفتني يوم اتأمل سماياك - وشلون اكابر لجل وصفك واعاني

ياقبلت عيون الغلا وين دنياك - والله لجيلك جان ربي حماني

ماشفت للبسمة تعابير لولاك - وماكان للفرح بحياتي مواني

لولا الامل ماكنت للحين وياك - ولولا المحبة ماعرفنا نعاني

دامك تعيش بداخلي كيف بنساك - هذا السؤال وحط نفسك مكاني

شعوره حسه صج ضايع بلياك - لا الوقت وقتي ولا زماني زماني

عود علي يا روحي منا اتمناك - من جور بعدك جاني اللي كفاني

الله عطاني محبتك يوم خلاك - تسكن خفوقي واشهد انه عطاني

جيتك خفوق(ن) ماراح امليه برجواك - لعيون وصلك ذلني وابتلاني

جيتك من الحرمان لعيون ذكراك - ودي اعرف لوين حبك خذاني

جيتك ابيك واعشقك واترجاك - مرة خسرتك مابي اخسرك ثاني

قصيدة ( جرح الأيام )

وصلتها للموت ياجرح الأيام

ولا عاد باقي في بقاياك باقي

وبددت في دنيا الوصل كل الأحلام

بين الفراق وبين هم التلاقي

ياما صبرت وعذري الوعد قدام

وأحسب تعاونني على الدرب ساقي

وأثر الهقاوي كلها أوهام بأوهام

ما جا زماني مثل ما كنت هاقي

يا أول أحاسيس الغلا والغلا هام

قلي متى وجهك يحرر وثاقي

قلي متى تنطق وأنا آشوفك أصنام 

ماهمها ضيقي وزود احتراقي

حظي خذلني فيك لو طاح ماقام

مثل العيون إن خونت بالسواقي

تجري تواريخ العمر عكس الأرقام

ويبقى العمر بين التواريخ شاقي

وأنا على هالحال قلبي من العام

بمكابد الدنيا ذبحت اشتياقي

كل شي توقعته من جروح وآلام

إلا إنك إنت بيوم تطلب فراقي

قصيدة ( اربع وعشرين ساعه )

من تجربة حبك وصلت لقناعه...

إذا بغيت انسان يغليك خونه...

يشتاق لك(اربع وعشرين ساعه...

دامك تخونه شرط تاخذعيونه...

اقرب طريقة للوصال القطاعه...

جرب تغيب أيام وطالع جنونه...

كل ماطلبته قال سمع وطاعه...

يبيك لوكل الخلايق يبونه...

وإذا عطيته قلبك بصدق باعه...

يحسبك له ظامي وميت بدونه...

لان الغلا في شرع مثله بضاعه ...

يبيع لو شاف البشر يشترونه ...

شفت الغلا ضايع وقمة ضياعه...

اني عطيته ناس مايعرفونه...

قصيدة ( حضرة الضيق )

دام الصدر يا حضرة الضيق ما ضاق 

والله لتبطي ما تزلزل كياني

ودام الليالي قلبها ينبض اشواق 

خله يموت الهم بين المحاني

ليه اتضايق كل ما لاح براق 

دام الزمان اللي اعيشه زماني

وليه اتليعن يوم انا كلي أخلاق 

لو باع واحد ألف واحد شراني

الله عطاني بالصبر صدر الآفاق 

وباخذ من الله كثر ما الله عطاني

لو يخلطون بغيبتي كل الأوراق 

برجع واحوس أوراقهم في ثواني

يا صاحبي ما هي سواليف عشاق 

حتي تموت بصدر أهلها الأماني

أنا بشر لي قلب وأحس واشتاق 

واشقى وأعاني مثل ما أنت تعاني

يعني شيصير بيوم لو قالوا: إفراق 

أصلا من أول عنك قلبي حداني

«أكذب عليك إن قلت ماني بمشتاق» 

شطر قديم العام يمك خذاني

أيام ما شمس الغلا دوم بإشراق 

أيام حبك عن عيوبك عماني

أيام قلبك بس لو تدري اشباق؟ 

قلب خلق لك من جروحه معاني

قلب موقفني عشانك على ساق 

يخاف اقصر في غلاتك ثواني

قلب صبر في وضع لا يمكن يطاق 

يا ما نهيته عن هواك وعطاني

واليوم أشوف الشوق للبعد سباق 

يمكن نسيت الحب والا نساني

الله وكيلك مسأله كلها أرزاق 

طالع مكان وين وطالع مكاني

بكره إذا «ما التفت الساق بالساق» 

يبي يكون لوضعنا حال ثاني

ودام الصدر يا حضرة الضيق ما ضاق 

لا أنت ولا غيرك بزلزل كياني

قصيدة ( المقهى الجنوبي )

وقفة عتاب وشرهة ملوك لملوك

وجبال لا صار اللعب حيل حامي

مانرقص العرضه على نغمة الروك

ولا نرمي الاهداف من غير رامي

ونشلع على حد السمى شلعة (الهوك)

نكسر شموخ الغيم ويطيح دامي

والقمة اللي تجمع الورد والشوك

ماكل عصامي لاوصلها عصامي

يابو شبيب اسمع كلامي وانا اخوك

وخل الكلام الي يجنب كلامي

ماهو لسواد عيونك ان كان حبوك

شوف (المرامي) وانت تعرف مرامي

أشوفهم صوبي على الضيق حدوك

هم مادروا بالضيق إنك حزامي؟

وإنك عضيدي لا طغى كل مملوك

وإن احترامك بالحياه إحترامي

رح قلهم ان كان فيني تحدوك

ماصدرت مني قراح الظوامي

وإن كانهم في وجه الأيام حطوك

ترى الأسامي ماتجر الأسامي

رحلة شقى والدرب مفروش بالشوك

والليل مايشبه ظلامه ظلامي

تخصصي ألعب على كل صعلوك

سامي..ولو كان الهدف غير سامي

واللي يعزم الكايد ويرخي البوك

شيصير يعني لو ذبح كم شامي

والجادل اللي بالشعر تعطي صكوك

راحت عليها ولا تثير اهتمامي

خلهم علي وافتح لي الدرب ارجوك

وبلغ لي (المقهى الجنوبي) سلامي

أخوان.. لكن بالصحافه إذا جوك

طلع عمامك عن سوالف عمامي

رح قلهم والبيت مملي ومسبوك

ولى زمن جاسم وفيصل وسامي

ولا عاد غير ديوك وتناطح ديوك

بس الصور من عقب ذيك الأسامي

وكانه مخططهم متوبك ومحبوك

عمر (الحرامي) مايبوق (الحرامي)

القصد واضح والهدف صار مشروك

والضرب بين أثنين واللعب حامي

إما افوز وقالت الناس.. مبروك

وإلا وغلاتك ماتشوف انهزامي

مدونه أشعار الشاعـر حمـود جلـوي

قصيدة ( رابع سنة )

كل العيون اتطيح من عيني إلا أنت

إليا ذكرتك هزني طاري الشوق 

وين أنت ياللي عالمشاعر تسلطنت

واشغلتني عن كل كائن ومخلوق

من قبل أعرفك مااعرف وين انا كنت

ولا كنت أعرف ان الهوى قمة العوق

محتاج لك لوتسمح شوي لاهنت

مليت المح لك من الضيق مخنوق

مليت أسولف عن تجافيك وايقنت

إن الزمن لاحس عنده ولا ذوق

رابع سنة مرت وللحين ما بنت

لا ديمتك ديمه ولا بروقك بروق

ضاع العمر ياللي بروحي تمكنت

وأحنا نردد كل مطرود ملحوق

إن كان ردت للمراسيل هونت

لأن المراسيل إنتهت مالها سوق

وإن كان ردت للأمل خير عينت

إن أشهد إني جيت للقاع من فوق

البارحة لا زان حظي ولا زنت

كن الحزن طوق على ناظري طوق

وين إنت ياللي في عذابي تفننت

بهديك بيت ما على غيرك يلوق

بهديك بيتن كم سنة فيه هيجنت

بيتن يساوي ألف معنى وطاروق

ليت الخلايق تنقلب كلها إنت

واصير اشوفك كل ماشفت مخلوق