الليل عطري وإنتي أنفاسك أطياب
وللشعر في بعض المخاليق هيبه
وأنا يهابوني وراسك ولا آهاب
و أن جبت شي" صعب غيري يجيبه
شاعرك ماهو بأي شاعر وينعاب
شاعرك لاأطروه قالوا : مصيبه
ومادامك إلهامه سرى ليل الإعجاب
دام الشعر طاريك منهو يعيبه
حبيبتي لا يابعد كل الأحباب
من لي عقب عينك وقلبك حبيبه
ليه الشعر لا شفتك بداخلي ذاب
ليه الغلا يستعبد الروح طيبه
ليه المشاعر طارت لعينك أسراب
ياللي خذيتي كل عمري غصيبة
فيني حضور ولا بقى فيني غياب
ضاع العمر بين الليالي نهيبه
واليوم جيتك يابعد كل من غاب
وفيني كلام" بان بالراس شيبه
خايف أقوله ثم تقولين كذاب
لكن وراسك أدري الكذب خيبه
إني أحبك حب ماحبه أحباب
وعمري بدونك يالغلا و يش أبي به
يكفيني إني ساكنك قلب وأهداب
ويكفيك قلبي يوم صرتي نصيبه
ليست هناك تعليقات:
إرسال تعليق