وصلتها للموت ياجرح الأيام
ولا عاد باقي في بقاياك باقي
وبددت في دنيا الوصل كل الأحلام
بين الفراق وبين هم التلاقي
ياما صبرت وعذري الوعد قدام
وأحسب تعاونني على الدرب ساقي
وأثر الهقاوي كلها أوهام بأوهام
ما جا زماني مثل ما كنت هاقي
يا أول أحاسيس الغلا والغلا هام
قلي متى وجهك يحرر وثاقي
قلي متى تنطق وأنا آشوفك أصنام
ماهمها ضيقي وزود احتراقي
حظي خذلني فيك لو طاح ماقام
مثل العيون إن خونت بالسواقي
تجري تواريخ العمر عكس الأرقام
ويبقى العمر بين التواريخ شاقي
وأنا على هالحال قلبي من العام
بمكابد الدنيا ذبحت اشتياقي
كل شي توقعته من جروح وآلام
إلا إنك إنت بيوم تطلب فراقي
ليست هناك تعليقات:
إرسال تعليق