ضايق وكل ضيقة ولا ضيقة الشوق
يا رب مدري وين أروح وشسوي
فيني شقا ما مر في بال مخلوق
وفيني ألم ما كنه إلا عدوي
يارب أحس إني من الهم مخنوق
جو الشقا والضيق ما هو بجوي
متعود أضحك وأترك الخاطر يروق
وأشعل على جال التفاريح ضوي
وإن طحت أبد ماطيح إلا وأنا فوق
خابر مصيري مرتبط في علوي
لكن ذيك البارحة كانت بروق
ورعودها في وسط روحي تدوي
تسوق لي مزن التهاليك والعوق
وأقول أنا يا قلب ما شبت توي
من ضيقتي لا رحت وإن جيت مطفوق
خايف جنوني تنسلخ من هدوي
وأسوي شي" ماطرا ببال مخلوق
مجنون والمجنون كل شي يسوي
ليست هناك تعليقات:
إرسال تعليق