ياربي البارحة طار القصيد أسراب
لعيون من هي تنام ومسهرة عيني
يارب مدري ولع ؟ وإلا غلا وإعجاب ؟
وإلا الأمل صوته البارح يناديني
كل مانغفل باب يرجع ينفتح لي باب _!
وكل ماأخلي هجوسي ما تخليني
يا فاتنة طالبك كان الهوا غلاب ؟
عالضيق فدوة عيونك لا تحديني
ماني بناقص جروح وبهذله وأتعاب
عندي من هموم وقتي ما يكفيني
الحب لا جا من الله مايجي بأسباب
وإن كان همت بغرامك لاتلوميني
وأنا وصلتك وأنا كلي شموخ أحباب
أبيك/ /... لكن / أخاف إنك ترديني
إما محبه وغلا - - وإلا نظل أصحاب
وإن ما حصل لي/ كلامي بينك و بيني
قولي قصيدة ارتكبها ( حمود ) ذنب وتاب
وإلا اجحديني/وقولي : ماتعرفيني
وإليا عجبتك خذيني للعيون أهداب
ووديني إلوووووين ما ودك توديني ...
ليست هناك تعليقات:
إرسال تعليق