عطر المسا طاغي والأشواق وجله
وأفكار أحاسيس القصايد جدايد
تاخذني الكلمه عن الناس وأدله
وأحسني منك عن الناس زايد
وتصير لي كل الصعيبات سهله
لعيونك اللي تستفز الفرايد
البارحة قلب المولع نهج له
في داخلي درب عن الغير نايد
قصيدة فيها من الزين وهله
( عطر المسا )
عطر المسا طاغي والأشواق وجله
وأفكار أحاسيس القصايد جدايد
تاخذني الكلمه عن الناس وأدله
وأحسني منك عن الناس زايد
وتصير لي كل الصعيبات سهله
لعيونك اللي تستفز الفرايد
البارحة قلب المولع نهج له
في داخلي درب عن الغير نايد
قصيدة فيها من الزين وهله
لبستها من شوق روحي قلايد
وإنتي حبيبة قلبي شفيك خجله
وإنتي معي كنتي للإحساس قايد
كنتي عيون الليل والشوق وأهله
كنتي قصايد تنكتب في قصايد
كنتي عيون تسرق الريم كحله
ما صادها من شرد الريح صايد
كنتي معي رحله ولا كل رحله
فيها وصلت لكل صعب وكايد
الزين ياأهل الزين خلوه لأهله
( حبيبتي) زين على الزين سايد
من قبلها وعيون الأشواق كهله
ولأحزان الأيام (بخفوقي) عوايد
ويزيد في مكر المخاليق جهله
دايم مع الغالين يوقف محايد
واليوم جاك وعاف كل من ندهله
لعيونك اللي تستفز الفرايد
إنتي قصيدة تشعل الليل حفله
كل ما خفت ضو المواجع تزايد
كتبتها وجتني بالأشواق عجله
وأنا أدري ماكل القصايد قصايد
ليست هناك تعليقات:
إرسال تعليق